منتديات قروب ابوعزوز

لكل مبدع ومبدعه نرحب بكم في منتداكم قروب ابوعزوز لكل....قصيده...وخاطره....واستشاراتكم ...ومشاكلكم العاطفيه...الاسريه . فلا تبخلوا بمشاركاتكم

المواضيع الأخيرة

» لوغبت مااموت من القهر
الأحد مارس 04, 2012 4:40 pm من طرف ابوعزوز

» صديقي الذي رحل
الثلاثاء سبتمبر 20, 2011 4:37 am من طرف ابوعزوز

» وداعا يااعزالاصدقاء
الثلاثاء سبتمبر 20, 2011 4:28 am من طرف ابوعزوز

» موت الاحبة
الثلاثاء سبتمبر 20, 2011 4:17 am من طرف ابوعزوز

» كلمات من ذهب
الأربعاء مارس 23, 2011 3:32 am من طرف ابوعزوز

» ماغيرك سكن بالقلب
الأربعاء مارس 23, 2011 3:30 am من طرف ابوعزوز

» من اسرار البنات
الأربعاء مارس 23, 2011 3:28 am من طرف ابوعزوز

» قلبي اطلق الاهات
الأربعاء مارس 23, 2011 3:27 am من طرف ابوعزوز

» لاينكسر قلبك
الأربعاء مارس 23, 2011 3:25 am من طرف ابوعزوز

التبادل الاعلاني

احداث منتدى مجاني

نوفمبر 2017

الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
2627282930  

اليومية اليومية


    اجمل احلامي صباحك وردددددددددددددددددددددددددددددددددددددد

    شاطر

    ابوعزوز
    مدير الموقع
    مدير الموقع

    عدد المساهمات : 62
    تاريخ التسجيل : 30/06/2010

    اجمل احلامي صباحك وردددددددددددددددددددددددددددددددددددددد

    مُساهمة  ابوعزوز في السبت أكتوبر 23, 2010 7:16 am

    على طاري صباح الورد , وإسمك, والحـلا والـذوق
    ذكرتك يـا أجمـل أحلامـي , بقافـي واستهليتـه



    على درب القصيد أسوق , قلبي والخطـاوي شـوق
    وإذا مالت بـي الخطـوة , علـى دربـك تناسيتـه



    يهز الشـوق بأعماقـي , عناقيـد الغـرام عـذوق
    ويقطف بالغلا فيني , غـرامـ(ن) خنـت وأخفيتـه



    أحبك كثر ما يشعل , غرامك فـي حشـاي حـروق
    وشبٌه زود لو يحرق , ضلوعي مـت مـا اطفيتـه



    أحبك دمعتـ(ن) طاحت , على خد الصباح اشـروق
    يموت النور لـو طاحـت , علـى كفـي وضميتـه

    أحبك , إيه أحب إسمك .وأمـوت بجيـدك المنتـوق
    و تخيل كثـر مـا أكـره صـدودك , قمـت حبيتـه


    تموت من البطا غيمه , طعنها مـن جفـاك بـروق
    وغشى روض الحشا وسمي , جفافك وإنت ما ارويته

    رحلت , وما بقى منك سواك إنت , و عنـا مفهـوق
    عنـا ذاك الربيـع اللـي , غشانـي مـا تمنيـتـه


    تعال , إجرح على كيفك , تربـع واستحـل عـروق
    تدلـل والبسـاط أحمـد , وأنـا لرضـاك مديـتـه


    قم إسهج لآخر ضلوعـي, تغلغـل داخلـي برفـوق
    حلالك ما بقى منـي , مـع اللـي لأجلـك أفنيتـه


    من اللي من غديت أجمل قصيدة ما غـدا لـه ذوق
    ومن اللي كتـب باسمـك قصيـده وانكسـر بيتـه


    وربي , من كتبت إسمـك وبروزتـه بقلبـي فـوق
    وأنـا مـا دار فـي بالـي , قصيـد مـا تحاليتـه


    دخيل دمعتين اللي, غـدت منهـا الخـدود شقـوق
    ترفق سامحك ربي , علـى قلـب(ن) لـك أهديتـه


    إذا لك حق في قلبي , فأنا لي فـي غـلاك حقـوق
    و حقوق الشوق محفوظـة , وحـدي مـا تعديتـه


    يذكرني صباح الورد , وإسمـك , والحـلا والـذوق
    وأردد يا ( أجمـل أحلامـي ) بقافـي يـوم هليتـه


      الوقت/التاريخ الآن هو الإثنين نوفمبر 20, 2017 3:44 pm